Прачытайце тэкст, вызначце стыль і тып маўлення. Словы ўзнёслага гімна “Ідзі, народзе ўваскрэслы!”, які пасля ўрачыстых званоў загучаў са сцэны вялікага тэатра, перапоўненая зала слухала стоячы. У такой хвалюючай атмасферы нацыянальнага ўздыму і агульначалавечай еднасці адкрылася ў Мінску свята славянскай пісьменнасці і культуры. Традыцыя гэтага сапраўды народнага свята, што прыйшло да нас з Балгарыі, звязана з імёнамі славянскіх асветнікаў Кірылы і Мяфодзія. Яны падарылі нам азбуку – тую самую кірыліцу, на якой сёння піша ўвесь славянскі свет.​